Chalo ek naya bhagwan banayein
chalo ek naya shaitaan jagayein
chalo fir inn bewakoofon pe apna haq jamayein....
Lad lad ke mar gaye ye
uss bhagwaan ke liye
jo kabhi banaya tha humne.....
Inhe kya pata ki bhagwaan
toh ek zariya hai.
Apni shaktiyon ko inn pyaadon par
sthapit karne ka...
Chalo aaj fir ek naya bhagwaan banayein
inn par thoda aur hukum chalayein
apni shatranj ka inhe mohra banayein....
Jalayenge ye khud ko aur apne jaison ko
rulayenge ye apni zindagi ko.
Baithe rahenge hum yahan
haste rahenge inko dekh kar...
Banayein ek naya manoranjan inke liye
dooba dein pura inko usme.
Fir banayein inse aur shaktishaali mohre
thoda mazaa toh aaye fir iss shatranj mein...
Iss takat ki shatranj
jiske koi kayede kanoon nahin
bas wohi kayda aur kanoon hai
jo humne banaya hai....
Aao chalo inn kayde kanoonon
ko tod kar ek naya kayda banayein.
Inn ko kuch aur tadapta dekh
aaj fir thahaka lagayein....
Chalo ek naya bhagwan banayein
chalo ek naya shaitaan jagayein
chalo fir inn bewakoofon pe apna haq jamayein....
Waah waah deep wala tha ye.. kya baat hai
ReplyDeleteChalo iss dharti par firse waapas jaayein..!!
ReplyDeleteDhool khaate humaare puraane saathiyon ko waapas yaahan ghar laayein ..!!
In insaano ka kuch bharosa nahi ..hai !!! Aiee Abhinav...
Kyaa pata baazaaru samajh kar unhe hi bech khaayein ..!!
Manas patal par phir se ek urja jagayen
ReplyDeleteSote hue dhadkanon ko phir sehlayen
Aao phir se ek insaan banayen!