Na jaane...

Na jaane kyun aaj aankhon mein ek nami si hai

Aaj fir uski kuch kami si hai.

Na jaane kyun lagta hai jaise abhi hi ki toh baat hai

Jab woh mere saath thi.

Aur fir achanak, hawaa ki tarah udd gayi....

Na jaane aaj kis baag mein

Woh khusbu milegi mujhe

Na jaane aaj fir kiski baaton pe

yunhi muskura paunga main.

Na jaane…

Abhi aansu bas behna hi shuru

Hue the, ki achanak uska ek email aaya

Chehre pe halki muskurahat aayi thi

Uska naam fir padhke.

Email mein poocha tha usne,

Ki uski purani kitaab jo aaj bhi mere yahan padi hai,

Woh lauta sakta hun usse....

Na jaane woh kitaab maine kyun apne pass rakhli thi

Usme ek gulaab bhi pada tha, sukha hua sa

Hamare iss rishte ki tarah.

Aaj bhi uss kitaab ke panno mein

Uski ungliyon ka ehsaas hai.

Na jaane, aaj bhi woh kyun itni khaas hai....

Ab toh na ye aansu tham rahe hain

Na uski yaadon ka silsila.

Abhi abhi hamari kuch purani chats

Padhi maine, bistar ke ussi kone mein baithkar

Jahan uski salvatein aaj bhi maujood hain....

Achcha hai aaj ye laptop hai mere pass,

Warna aaj bhi mere shabd, 

aansuon se bheege hue paper se tapak kar

gayab ho jaate....

Na jaane, aaj bhi woh kyun itni khaas hai…