Friday 4 November 2011

Love in the time of diarrhoea....


Commode pe baitha tha main,
lekar ek novel.

Ab kya kare hum,
jab loose ho gaye the hamare bowel....

Kha kha ke pichli raat
pet ka aisa bura haal kiya tha,
lag raha tha jaise
subah se uthkar pet ne
apna badla lena start kar diya tha....

Sab chod chaad aadha din
pehle hi toilet mein bita chuke the
tabhi phone uthakar dekha
pichli raat party mein mili ladki ke
5 miss call aa chuke the....

Ab baat karni bhi zaroori
aakhir dil ki thi majboori.
Par ye pet saala bhi kahan kam tha
phat raha andar ek se badkar ek
atom bomb tha....

Fir bhi himmat kar jo uska phone milaya tha,
water loss ki wajah se sir ekdum chakraya tha.
Samajh nahi paye the ki kis kis ko sambhalein
novel, cellphone, pet ya sir.

Boli woh ki sham ko miloge
humne haal zara apna naazuk bataya tha.
Fir boli, “Chalo kuch nahin”
bas saath mein movie chalne ka plan banaya tha....

Ab aisa mauka baar baar toh aata nahin
raat mili ladki ke sang agle din movie toh har koi jaata nahin.
Socha chalo dekhte hain jo hoga dekha jayega
jyaada se jyaada kya hoga
10-15 min wahin toilet mein bita liya jayega....

Hadbadi mein dawaai lena hum bhool gaye the,
yaad ye baat aayi jab pahunche the hum cinema hall
Aur liye usne 2 sandwich, popcorn, saath mein pepsi....

Ab love-shove mein saath khana toh padta hai,
par kaise batate usse ki pet pe uska
kya kya asar padta hai...

Fir bhi bhagwaan ka naam leke
jo sandwich aadha khaya tha.
Aisa laga tha jaise
pet ke andar bhuchaal koi aaya tha....

2 minute  mein aane ka vaada kar
bhaage the hum bathroom ki taraf.
Bhaiya jaise taise bach gaye
jo sahi time par washroom pahunch gaye....


Fir puri tarah tayaar hokar
10 minute baad nikle the
man mein ek nayi umang thi
pet ke bhitar na ab koi tarang thi...

Soch liya tha ab toh
prem ke pahaad par chadhayi ki jayegi.
Naye josh ke saath
apni love story aage badhayi jayegi....

Jo nikle washroom se bahar toh
dekh humein woh muskura rahi thi.
Ek samay aisa laga ki
hamari kismet humein hamare haal par chidha rahi thi....

Hum bole, “Kya hua humein bhi batao”
usne kaha zara apni garden peeche ghumao....

Jaise hi hum gardan peeche ghumaye the,
pata chala tha ki pichle 10 minute
humne ladies washroom mein bitaaye the....



7 comments:

  1. bwahahahahhaha!! This is soooooooooooooo awesome! :D :D
    Loved it!

    ReplyDelete
  2. Delhi belly ki yaad aa gai :D

    ReplyDelete
  3. This is funny.
    I had a nice time reading it. :D

    ReplyDelete
  4. Haha i love your poems. This is the best so far. :P

    ReplyDelete
  5. Yeah best so far!! and funniest i have read ever!

    ReplyDelete
  6. hahahahah amazinnggggggggggggggg !!

    ReplyDelete