Thursday 3 November 2011

Aankhon ke aage ki dhundh.....

Neha: Raaste me kahin reh gaye humnasheen, tum kahaan?

Abhinav: main yahaan neha, aankhon khol ke dekho toh zara.

Neha: Aankhien khol lene se aankhon ke aage ki dhundh nahi hat jaati.

Abhinav: Mann ki aankhon se dekho jaaneman, wahan koi dhundh nahin rehti.

Neha: Pareshaani ke baadal to hote hain.

Abhinav: Par suraj bhi toh badlon ke peeche se hi nikalta hai.

Neha: Suraj ki kirane jab bahut tez ho, to aankhien band bhi ho jaati hain.

Abhinav:  Haan kyunki unn band aankhon ke peeche hi toh zindagi ki saari yaadein chupi hoti hain.

Neha: Yaadein apne saath aansu bhi laati hain, aur jab aansu ho, to sab kuch dhundhlaa nazar aata hai.

Abhinav: Woh aansu ka dhundhlapan buri yaadon ko chupane ke liye hota hai. Aur reh jaati hain toh bas kuch muskurahatein.

Neha: To bas fir, in band aankhon ko na dekho. Aur kuch muskuraahatein de do :)

Abhinav: Muskurahatein toh ab sab tumhari hi hain, le jao kabhi bhi aakar tum.

Neha: Saath me apne aansu bhi de do. Kahin tumhaari aankhein bhi dhundhli na pad jaayein.

Abhinav: Na aansu rehne do na, nahin toh tumhari yaadein kahan sambhal kar rakhunga.

Neha: Khuda kare, hum me itne uljhe raho ke hume yaad karne ki fursat na mile tumhe :)

Abhinav: uljhe toh aapme hum roz hi rehte hain, tabhi toh aajkal kuch jyaada hi muskurahatein hain hamare pass.

Neha: Hum aapki muskuraahaton me shaamil ho sake, aaj kal bas isi baat pe naaz hai.

Abhinav: Aur aapki unn aankhon mein chupi inayat hi toh aajkal humari inn muskurahaton ka raaz hai

(This is a conversation between me and my friend Neha ( _PWN ), i liked it so thought of sharing it with you people.)

2 comments: