Tuesday 6 December 2011

Pagal tha woh....


“Shaadi karogi mujhse, Riya.”
Par…
“haan ya na?”
Haan Raj.
Woh thodi sharmayi
Aur fir apni nazre jhukayi
Tapakte hue aansuon ke saath
uske seene mein khud ko chupa gayi.

“Par tumhare pitaji nahin manenge,
Humari shaadi kaise hogi Raj?”
Ye baat toh hai Riya,
Waise tum kaho toh bhaag chalein aaj?

Uss sham ki train se nikal pade the dono,
Sapno ke sheher Mumbai ko.
Riya chahti thi Mumbai jaana,
Aur fir usse bhi toh tha Raj ka ho jaana.

Raj ki naukri lagi thi Mumbai mein,
Writer tha bahut bada,
Ghar waale chahte the kuch aur
Par Raj ko banana tha apna daur, aur fir
Bandishon mein jeena toh usse kabhi raas na aaya tha.
Riya ne hi toh usse ek azaad panchi
Ki tarah udna sikhaya tha.

Toh ud chale who dono,
Ek naye aasmaan ki oor
Ab naa bandhe thi unhe koi door
Khushiyon ka jo saath tha..

“Ab kya karenge hum?”, Riya boli train se utar kar
Chinta mat karo, dost ne apna flat de diya hai
Lekin tum ye baat batao, kya shaadi karein abhi chal kar

“Abhi?”
Haan Riya, ab aur nahin ruk sakta main
Kismat ke aage aur nahin jhuk sakta main.

Riya ne fir haan mein sir hilaya tha,
Uss raat unka bistar phoolon se unke
Kuch khaas doston ne sajaya tha.

“Kaash main khana bana paati,
Toh tumhe hamesha kitchen mein na paati”, Riya boli
Raj bas muskura diya,
Kahan jaanti thi woh pagli riya,
Ki Raj ne bhagne se pehle 1 hafte tak,
Apni maa se roz subah shaam khana bana na seekha tha.

Aur issi tarah roz shaam ek
Nayi bandish le kar aati thi
Par riya hamesha khud ko
Raj sang paati thi.

Pata tha usse ki Raj jitna
Usse koi nahin chahta,
Par sochti thi ki kaash, 
Raj bhi usse utna hi pyaar pa pata.

Aur fir ek din …

“Kya hua Abhi? Aage kya hua?”, dost ne mujhse poocha
Ab kya batata usse apne sabse achche dost, Raj, ke baare mein,
Jo kuch bol paun kam hai usse pyaar ke baare mein,
Jo aaj bhi inn aankhon mein aansu de jaata hai
Jab raj bhaagne se 1 hafte kya hua tha woh batata hai.

“Raj aaj se main tumse nahin mil sakti.”
Par kyun Riya.
“Raj, koi matlab hi nahin ab.”
Riya…
“Raj tum koi aur dhoondhlo,
Ab main tumhari nahin.”
Riya aisa kyun bol rahi ho…
“Ab Riya tumhare sang nahin jee sakti,
Woh kisi aur ki ho chuki hai.”
Kiski… (raj bola apne aansuon ko rokte hue)
“Cancer ki”


P.S. Before you say anything, i'm sorry. I know it's my weakest work ever but it's something i wanted to tell. 

3 comments:

  1. Well, it is nice. Not something like what i am used to reading here, but it aint bad!

    Cheers!

    ReplyDelete
  2. An autobiographical sketch ? Not bad !

    ReplyDelete
  3. Anon like that ;)6 December 2011 at 19:20

    unexpected, yet nice.
    :)

    ReplyDelete