Wednesday, 4 June 2014

Kaise tumhara din interesting banaayein?

Batao kya karein,
kahan lekar jaayein,
Kis gali mein mudein,
Kis sheher mein tumhe ghumaayein,
Yun udaas si jo baithi ho,
Dekh tumhe baahar,
aasmaan ko bhi rona aaye...

Chalo fir,
Ek khwaahish karo aaj,
Fir ud chale,
Usse poora kar aayein,
Tum bolo toh ek baar,
Iss ruki thaki zindagi mein tumhari,
Fir nayi bahaarein laayein...

Inn garm subaahon ko exchange karein,
Sard hawaaon se,
Aur muskurahatein bujhi si utha,
Chalo khilkhilati hasi se unhe
replace kar aayein...

Apni desk par baithe baithe,
Bor ho rahi hogi,
chalo chupke se bahar nikle,
Aur bina bataye kisiko,
Kahi ghoom kar aayein,
Bas ek baar haan kardo,
Inn baadlon ko bana,
Apni magic carpet fir,
Chalo kahin,
Apne pahaadi sapnon mein,
Hum tehel aayein...

Batao toh zara,
Ab kya karein,
Kaise tumhara din interesting banaayein?

2 comments:

  1. It's beautiful Abhinav and it shows your romantic side as well 👍

    ReplyDelete
  2. Cuteness overloaded. I'm smiling high <3

    ReplyDelete