Tuesday 17 January 2012

Ek pyaari si ajnabi...(The Flute)


Reh reh kar ruk jaati hai ye dhadkan aaj,
Jo fir tum kahin dikh jaate ho,
Dekhte dekhte yuhin kho jaate hain hum,
Tum yun muskuraate ho...

Na jaane kya baat hai,
Jo apni inn aankhon mein chupaate ho,
Kuch raaz hain, unhe khol do
Bhala humse kyun chupaate ho...

Paraaye toh lagte nahin,
Shayad puraana koi rishta hai humara,
Na jaane fir kyun itne duur se rehte ho,
Na kabhi paas aate ho....

Dekho ruthe ho humse kisi baat pe,
Jo hamaare ishaare bhi nahin samajh paate ho,
Na jaane kyun iss tarah dekhte ho tum,
Na jaane kaunsi baat hai, jo na keh kar bhi keh jaate ho....

Aur kehte kehte jo galti se kuch raaz khul jaayein,
Toh fir kyun humse aankh churaate ho,
Kya kuch abhi bhi baaki hai chupane ko,
Jo apne seene mein harr baat yun dabaate ho...

Bol do aaj,
Reh reh kar har roz humein kyun satate ho… 


P.S. Inspired by and written for one of my friends. :)



2 comments:

  1. I feel this right now. I'm going through the exact same phase and I wish I can read it out to a friend. Thank you for linking me to this. This is beautiful .

    ReplyDelete