Sadho aur ganga ....

Sadho or Sadhu, he's a free soul. He wants to travel across all the geographical boundaries to discover the true meaning of life. And now when the books have failed him while he tried to learn the lessons of humanity. He has again started his journey, to find the true meaning of life and this time he's asking the creations of nature to help him. 

This is a poem series i have started, based on few of my journeys. Let's see where it goes.  

Rishikesh: A holy city in the state of Uttarakhand(also my birthplace), the point where river Ganga finally meets the Great North Indian plains after spending first part of its journey amidst the Himalayas. It's also Sadho's first destination. 

---------------------

O sadho, toh fir nikle fir ek naye raste par,

ek patang ki tarah iss aasmaan mein.

Baadlon ke uss paar, insaniyat ke aur kareeb.

Rishikesh o Rishikesh, hari ke desh,

Shaanti ke updesh, ganga ke pawan bhesh.

Aaj Sadho, baithe the ganga ke kinaare.

“Ganga maiyya” Sadho bole

“Tum kal kal yun behti ho,

Na jaane aisi kaunsi baat hai jo

Chup chaap yunhi kehti ho”

Ganga maiyya muskurayi aur boli,

“Sun sadho, behna hi toh jeewan hai

Hum sab apne chune hue raste pe bahe hi toh jaate hain,

Yunhi behte behte dharti ma ki inn ragon mein

Apne nishaan chod jaate hain.

Par sadho, tu kyun itna chinta magn hai aaj?”

“Maiyya aaj ek safar pe nikal pada hun,

Zindagi kya hai yeh jaanane pe ada hun.”

Maiyya muskura kar boli, “ek kahani sunati hun, dhyan se sun na.”

“Yahin se kuch duur, main jab dharti ma ki

Kokh se nikalti hun, barf sang main pighalti hun.

Aur fir inn vaadiyon mein hi mera bachpan beet ta hai,

Inn pahadon sang khel khel mann pavitra ho uthta hai.

Bachpan sa paawan, iss duniya mein kuch nahin.”

“Fir bachpan ki masti ke baad, rishiyon ke tat

Se jo mera yauwan shuru hota hai.

Toh iss banjar dharti par saawan shuru hota hai.

Apni raftaar ko barkaraar rakhte hue main

Chali jaati hun ek mazil ki oor.

Par apni masti ki raftaar ko barkaraar rakhte hue…”

“Fir kuch tham si jaati hun,

Jo apne parivaar ke pass ja pahunchti hun.

Mere bachche, jo yahan se kahin duur

Sangam parr mujhse sikhsha paate hain.

Hamesha ki tarah, unke paap dhokar unhe chalna sikhati hun.

Kabhi dhyaan se sunna kya kya paath main padhati hun.”

“Aur fir….”

“Aur fir ye budhapa jo cha jaata hai,

Ek halchal si macha jaata hun.

Ab main apne khayalon mein doobi,

Apne andar ki gehrayii mein bahut kuch khojti hun.

Ab main zindagi ko aur jyaada samajh paati hun,

Aur jo bachi kuchi zindagi hai,

Usse apne logon ke beech bitati hun.

Jo kuch batora hai zindagi ke raaste mein,

Sab apne iss parivaar mein baat jaati hun.”

“Aur fir ek din aata hai, jab mujhe kho jaana hai

Aakhir iss safar ke ant mein hum sabko,

Ussi ek anant mein hamesha ke liye so jaana hai.” 

------------------------

Happy are those for whom 

journey is more important than the destination. 

Learned are those for whom 

the journey is their only destination.