Baat 2 saal
purani, dost ke bhai ki shaadi ki hai
Jawaani ki
dehleez pe kadam rakhe the
Doston ne
iss baar thodi khabar li thi humari
Kyunki 20
saal ki umar mein bhi aam thode kam chakhe the...
Bola tha
iss baar shaadi mein teri
Ek girlfriend
banwayenge
Aakhirkar bachche se aadmi tujhe zaroor
banayenge....
Ab marta
kya na karta,
Haan mein
maine bhi haan mila di thi
Thoda darra
hua toh tha hi
Par dost
chodo, unki gfs ne hi
Thodi bahut
practice kara di thi ....
Suna tha dost
ke bhai ki saali
Pe sab fida
hain
Humne toh
thaan li thi ek baar
Na mudke
usko dekhenge
Jahan pehle
se hi 20 log jama hon
Uss alaav
par haath na sekenge....
Shaadi
waale din ke liye,
Dost ne
khud mere liye
ek special
sherwani silwayi thi
Jab sherwani
pehen ke bahar nikle
Toh doston
ke kuch friends ne seeti bajayi thi....
“Chamak
raha hai bada aaj,
Beta aaj
khali haath wapas nahin aana.”
Par yaar…
“Na na,
dekh aaj shaadi mein ek se badhkar ek hongi,
Aisa mauka
haath se na ganwaana.”...
Dost ki
hidayat,
Ek kaan se
sun dusre se nikali thi
Aakhir mujhe
jaise sharmile ladke se
Bhala koi
ladki kahan patne waali thi....
Khair, sab
bhool bhaal baraat sang
Hum sawaar
hue the
Humein kya
pata tha ki humari peeth peeche
Humari
setting ke plans tayaar hue the...
“Beta woh
dekh, woh hai badi saali
Woh toh hai
25+ doston waali.
Aur woh
choti saali, woh hum logon waali.”
Par sun
itna lamba haath main kahan
Maar paunga
Itni sundar
ladki ke saamne, 2 min na tik paunga
“Abbey
ladka, hai ki ladki. Punjabiyon ke naam par dhabba hai,
Saala na
daaru na ladki, beta tu toh bhagwaan ke saamne
Jalaane waali
agarbatti ka dabba hai.”...
“Chod isse yaar,
ye na kuch kar payega.
Saala bhari
mehfil mein, hum doston ke group ka naam dubayega.”
Baat dost ki
sun ek minute ke liye
sharam se
paani paani ho gaya tha main...
Par baat
toh wohi thi, itne saalon mein
Ek bhi na
pat paayi thi
Aur jo 2-3
pasand aayi, woh humare
Doston ne
hi khud humse churayi thi....
Confidence
pura low tha
Aur socializing
skills bhi hamara so so tha
Ab toh
akele hi raat guzarni padegi
Ye soch kar
pareshaan baitha tha main...
Shaadi toh
kab ki chalu ho gayi thi
Ice cream
aur cold drinks se apna
Mann behla
raha tha
Saamne dekha toh, dost ka chota bhai
Choti saali
sang batiya raha tha...
Lo ji katt
gayi patang, ab toh
Chicken ke
leg piece sang raat bitayenge
Hum jaise
buddhu iss jamane mein
Kahan koi
ladki pata payenge...
“Sun”, kaan
mein aakar dost fusfusaya tha
“Dekh beta
chote waale ko main
Ghar bhej
raha hun kuch samaan lane.
Mauka
achcha hai, ja apna jaal bichale.”
Dost ne aakar
khabar toh achchi di thi...
“Hello I am
Abhi. Aap bhabhi ji,
I mean, dulhan ki
choti behen hai na.”
Haan mein
sira hila woh thoda muskurayi thi
Sach kehta
hun dost, uski aankhon ne
Shaareer mein
440 volt waali current daudayi thi....
Tabhi mere
mobile par ek sms aaya
“Terrace pe
pada hai guitar,
Ab toh
baaji maar ja yaar.”...
“Suno kaafi
boring si hai shaadi,
Chalo thoda
tehel aate hain.
Suna hai
chat se view achcha aata hai,
Wahin ka
nazara le aate hain.”...
Sharmati
hui, usne hamari haan mein haan milayi
Aur fir
apni nazrein uske rishtedaaron ki taraf ghumayi
“Raasta
saaf hai, chalo let’s go.” Fir boli woh...
“Seriously yaar,
kitni boring shaadi hai,
Upar se sab
ladkon ki flirting zaari hai.
Main khush hun
ki tum unn jaise nahin,
Jo mere
peeche pade nahin.”...
Ye toh atom
bomb gira tha
Beta ab
kaise daal galegi,
Kahan pata
tha ye itni shaani niklegi....
Tabhi nazar
ghuma dekha
Toh saamne
rakha tha ek guitar.
Aur boli woh,
“wow, I know how to play that.”
Bas fir kya
tha, baaton baaton mein
Usne uthaya
tha guitar
Kaafi
achcha bajaati thi woh, par zabardast planning ki thi doston ne
Kyunki bahut
besura gaati thi woh....
“Suno main
thoda bahut gaa leta hun.”
Bol humne,
mauke pe aisa chauka lagaya tha
Agle 1
ghante tak saath baith humne
Fir sur se
sur milaaya tha.....
Uski
aankhon mein ab alag si chamak thi
Aur awaaz
mein bhi uski ek khanak thi.
Laga tha
jaise saara confidence wapas aa gaya
Iss bachche
par ek aadmi ka bhoot cha gaya...
“Kya hua,
itne pass kyun aa rahe ho.”
Kyunki tum
pal pal mujhe saata rahi ho
“Par main
aise kya kiya?”
Pichle ek 1
ghante se kare hi toh jaa rahi ho, Jiya
“Aisa kya
keh rahe ho tum? Darr lag raha hai mujhe.”
Par main
hun saath, kiska darr tujhe
“Aur agar
kisine dekh liya.”
Terrace ka
darwaza band karke aaya hun.
“Par hum ek
dusre ko sahi se jaante bhi nahin.”
Toh jaan
jao.
“Please tum
aur pass mat aao.”
Par main
toh aa gaya.
“Apni
saansein meri saanson se na takraao.”
Kyun, kuch
ho raha hai
“Haan bahut
kuch….”
Bas baaki
ka aapko kya batana,
Aur ab
aapse bhi kya chipaana.
Sirf uss
raat hi the saath hum,
Aur fir woh
kahan aur main kahan.
Par aaj bhi
yaad hai, woh pehli kiss,
Jab andheri
raat ko, taaron tale baithe the wahan.....
