Nayi admission....

(This is a poem based on one of my seniors..)

“Dekh dekh nayii admission aayi hai

Shimla mein padti thi”

Darwaze ki oor dekha toh

Sar jhukaye who chali  aa rahi thi....

Thodi ghabrayi hui, thodi sehmi hui si

Chup chaap aakar baith gayi paas mein

Kab recess hoga aur fir introduction

Baithe rahe hum issi aas mein.....

“Abbey udhar kya dekh raha hai

Tere jaiso ko ghaas bhi nahin dalegi.”

Bola tha dost woh, aur yehi galti kar baith the

Uski hidayat ko patha ki lakeer samajh baithe the....

Fir kya tha

Agle 2 saal yunhin nazre churake

Dekhte rehte the unko...

Kabhi kitaabon ke peeche se

Kabhi uss shehtoot ke ped ke neeche se...

Fir aaya tha din farewell ka

Naya suit silwaya tha...

Usne bhi toh ek neele rang ki saadi pehni thi

Uss din soch ke toh yehi gaye the

Ki apne dil ki baat har haal mein kehni thi....

Kab shuru hua farewell, aur kab hua khatam

pata na chala...

Bolte rahe dost bol de usse jaake

Aur humein bas lag raha tha darr

aati rahi sharam....

Kal milli thi facebook pe mujhe

Bata rahi thi baatein kaafi saari

Poocha tha main kahan ho aaj kal

Pata chala engagement bhi ho gayi uski

Ab toh shaadi ki thi baari.....

Fir achanak bol padi woh,

“You know I always had a big crush on you.”

Dost keh rahe hain, tu iss baar himmat karle

Shaadi toh hum tudwa denge, bas tu aake uska haath pakad le....

Jaa raha hun agle hafte.

(He called me today, she's pregnant with 'his' baby :) )